म.मं.सि. - दिवाळी विशेष 2024

म.मं.सि. दिवाळी विशेष 2024

नमस्कार मंडळी, 

दसरा झाला की आपल्या सगळ्यांना वेध लागतात ते दिवाळीचे. मग घरोघरी, आकाश कंदील, किल्ल्यांची तयारी सुरु होते. घरातील वार्षिक सोपस्कार, म्हणजेच साफसफाईचं काम चालू होतं. ह्या सगळ्या कामांसोबत महत्वाचं म्हणजे फराळ बनवण्याचं काम सुद्धा चालू होतं. 

तुम्ही सगळे दिवाळीच्या तयारीला लागला असालच, कारण आपली कार्यकारिणी सुद्धा तुमच्या साठी दिवाळीची मेजवानी घेऊन येण्यासाठी जोरात तयारीला लागली आहे. दरवर्षीप्रमाणे, मंडळाच्या दिवाळी उत्सवाची सुरुवात २६ ऑक्टोबर ला होणाऱ्या आकाश कंदील कार्यशाळेने होईल.

यासोबतच कार्यकारणी एक विशेष कार्यक्रम घेऊन येत आहे. 

"म.मं.सि. - दिवाळी विशेष 2024"

या कार्यक्रमामध्ये बऱ्याच काही गोष्टींचा आनंद तुम्हाला लुटता येणार आहे 

1. दिवाळी फराळ - कार्यक्रमाची सुरुवात आपल्या पारंपरिक दिवाळी फराळाने होईल. सर्वांनी आपल्या आवडत्या पारंपारिक दिवाळी पोशाखात या बर का? काही खास पारितोषिकं सर्वात उत्कृष्ट पोशाखातील पुरुष, स्त्री आणि आपल्या  लहानग्यांसाठी सुद्धा ठेवली आहेत! या साठी आपण तुमच्यातीलच काही तज्ञ मंडळींना निवडीचे कठीण काम देणार आहोत! 

2. स्मरणिका प्रकाशन - स्मरणिका हा आपला फार मोठा उपक्रम असतो, या दिवशी आपण यावर्षीच्या स्मरणिकेचं प्रकाशन करून स्मरणिका चमूचं कौतुक करूयात. 

3. स्वरांजली - आपल्या मंडळातील तरुण गायकांना घेऊन मंडळाचे सभासद जसराज शिंत्रे घेऊन येत आहेत आपल्या सगळ्यांसाठी उत्कृष्ट मराठी गीतांचा नजराणा, "स्वरांजली".

4. आपली नुकतीच अद्ययावत केलेली ग्रंथालय प्रणाली आपण लोकार्पण करणार आहोत. 

5. अंताक्षरी - तुम्हा सगळ्या हौशी गायकांसाठी मंडळ घेऊन येत आहे "मराठी अंताक्षरी". लवकरात लवकर स्वतःची नावनोंदणी करावी, कार्यक्रमावेळी अंताक्षरी साठी टीम्स बनविण्यात येतील. 

कार्यक्रमाचा तपशील खालील प्रमाणे: 

दिवस: 02 नोव्हेंबर 2024 (शनिवार)

वेळ: सकाळी 9.30 ते 11.30 

ठिकाण: Leadership Hall, S.P. Jain School of Global Management, SG-119579

- मंडळाच्या सभासदांसाठी प्रवेश मोफत 

- इतर पाहुण्यांसाठी प्रवेश - S$ 10

- या कार्यक्रमासाठी नावनोंदणी आवश्यक आहे, फक्त नावनोंदणी केलेल्या मंडळींसाठी मंडळाकडून आयोजिलेल्या दिवाळी फराळाची व्यवस्था करण्यात येईल

- महत्वाची विनंती: कार्यक्रमाला उपस्थित राहण्याची खात्री असल्यासच नोंदणी करावे हि विनंती. नोंदणी करून नं आलेल्या सदस्यांकडून $10 शुल्क आकारले जाईल. 

नाव नोंदणीसाठी आणि अंताक्षरी मध्ये भाग घेण्यासाठी - https://www.mmsingapore.org/event-5914349

चला तर मग लवकरात लवकर नावनोंदणी करा आणि म.मं.सि. दिवाळी विशेष 2024 या कार्यक्रमात मोठ्या संख्येने सहभागी व्हा ! 

सस्नेह,

म.मं.सिं. कार्यकारिणी